India ka vendosur të shkurtojë taksat që konsumatorët paguajnë në çmimin e karburantit si lëvizje që mund të zbusë krizën e çmimeve.

Çmimet globale të mallrave të ndryshme janë rritur gjatë vitit 2021 pasi ekonomitë në mbarë botën vijuan të rimëkëmben nga pandemia.

Akciza e Indisë për benzinën është ulur me 5 rupi (0.0671 dollarë) për litër dhe me 10 rupi për naftën (0.1342 dollarë).

Megjithatë, masa pritet të rrisë kërkesën për karburant në një kohë kur shumica e vendeve po përpiqen ta frenojnë konsumin e karburantit fosil.

Pas njoftimit të qeverisë federale, të paktën dhjetë shtete të drejtuara nga Partia Bharatiya Janata (BJP) e kryeministrit Narendra Modi, ose aleatët e tij, thanë se do të shkonin më tej dhe do të ulnin taksat lokale të karburantit deri në 7 rupi të tjera për litër.

Njoftimet erdhën në prag të festivalit të Diwali, i cili sheh fillimin e një sezoni të ngarkuar festiv në Indi, i shënuar zakonisht nga rritja e shpenzimeve të konsumatorëve.

Autoritetet shpresojnë se me uljen e taksave mbi karburantet do të ndihmohet kryesisht industria e prodhimit të tekstileve, e cila nuk do të detyrohet t’i rrisë çmimet e produkteve.