Hilary Duff, një personazh i famshëm dhe nënë e 3 fëmijëve, postoi një foto të vajzës së saj 8-muajshe me veshët e shpuar u hap një diskutim i madh në rrjetet sociale. A duhet të shponi veshët fëmijës në këtë moshë apo jo?

1. Mundësia për infektim.

Sa herë që shponi lëkurën e fëmijës me gjilpëra apo diçka tjetër, kjo hap mundësinë që një infeksion të hyjë në trupin e fëmijës. Pavarësisht nga masat paraprake të sigurisë, foshnjat kanë një sistem imunitar në zhvillim që mund të ndikohet shumë lehtë nëse nuk trajtohet siç duhet.

Nëse ju e keni bërë këtë “gabim”, kërkoni për shenja si ënjtje, kruajtje ose skuqje që mund të nënkuptojnë se veshët e tyre janë infektuar. Në këtë rast, kontaktoni menjëherë mjekun.

2. Është më mirë që fëmija të marrë vendimin e tij për shpimin e veshit.

Vendimi për të shpuar veshët duhet të jetë i vetë individit, pasi kështu ata do të mësohen të kenë më shumë kontroll mbi pamjen e tyre dhe të krijojnë një personalitet tyrin.

3. Lëkura e tyre është shumë e ndjeshme.

Nuk është njëlloj si të shposh veshët e një të rrituri. Për shkak se veshi është një organ delikat dhe lëkura e bebes edhe më delikate, atëherë pasojat e mpirjes dhe bezdisjes mund të zgjasin disa ditë.

Shumica e profesionistëve zgjedhin kremrat mpirës 15 minuta para shpimit të veshit për të ndihmuar në uljen e dhimbjes. Këto kremra mpirës shpesh përmbajnë lidokainë, e cila është një anestezik që mund të ndihmojë në humbjen e ndjesisë në lëkurë.

4. Mund të jetë pengesë e lojës së fëmijëve.

Shpimi i veshit të fëmijës në një moshë më të re mund ta pengojë atë të shijojë aktivitetet e tyre të preferuara, si noti. Vathët më të mëdhenj gjithashtu rrezikojnë të ngecin në rroba ose të tërhiqen nga fëmijët e tjerë. Prandaj, është më mirë të prisni që fëmija juaj të rritet deri në një moshë të caktuar ku mund të pushojë nga sportet dhe aktivitetet e tij të preferuara.

Si rregull, derisa plaga shpuese të jetë shëruar siç duhet, këshillohet të shmangni përfshirjen në çdo aktivitet fizik ku ka shumë kontakt fizik me fëmijët e tjerë. Kjo mund të rrisë rrezikun e infektimit, pasi fëmijët shpesh prekin veshët me duar të pista.

5. Reaksionet alergjike.

Alergjia ndaj metalit të vathit është mjaft e zakonshme për fëmijët. Është e rëndësishme të theksohet se bizhuteritë e arit shpesh përmbajnë edhe gjurmë nikeli. Bizhuteritë e veshura me argjend janë shpesh të sigurta dhe trajtohen me kujdes për të ndihmuar në mbajtjen e veshëve të fëmijës tuaj të shëndetshëm. Ju gjithashtu mund të konsultoheni me pediatrin tuaj përpara se t’i shponi veshët fëmijës për t’u siguruar që ata nuk do të kenë një reaksion alergjik.