Hedhja e shortit për ndarjen e performancave të vendeve pjesëmarrëse në Festivalin Europian të Këngës u mbajt sot në qytetin e Lizbonës në Portugali, vend ky i cili organizon festivalin më të madh muzikor në Europë për këtë vit. Portugalia është fituesi i vjetshëm i Eurovizionit i cili u mbajt në Kiev të Ukrainës me këngën “Aamar perlos dois” të këngëtarit Salvador Sobral.

 

Ky shorte vendos nëse shtetet do të performojnë natën e pare apo të dytë gjysmë-finale si dhe nëse performojnë në pjesën e parë apo të dytë të secilës natë. Sipas rregullores, vendet që sponsorizojnë organizimin e Eurovision-it dhe vendi pritës kalojnë automatikisht në finalen e kompeticionit. Këto vende janë: Mbretëria e Bashkuar, Franca, Gjermania, Italia, Spanja dhe Portugalia. Sipas shortit, këto vende kanë të drejtë të votojnë në njërën prej netëve gjysmë-finale.

Gjysmë-finale 1 (8 maj)

–          Portugali

–          Spanjë

–          Mbretëri e Bashkuar

Gjysmë-finale 2 (10 maj)

–          Francë

–          Itali

–          Gjermani

 

Gjatë gjysmë finales së parë të Eurovizion-it do të performojnë 19 shtete dhe në gjysmë finalen e dytë do të performojnë 18. Kjo ndarje është bërë për shkak të numrit të vendeve pjesëmarrëse. Ndarja e performancave të të gjitha vendeve pjesëmarrëse në Eurovizion është si më poshtë. (sipas rendit alfabetik)

Gjysmë-finale 1 (8 maj)

Gjysma e parë

–          Shqipëri

–          Azerbaxhan

–          Bjellorusi

–          Belgjikë

–          Bullgari

–          Republika Çeke

–          Estoni

–          Islandë

–          Izrael

–          Lituani

Gjysma e dytë

–          Armeni

–          Austri

–          Kroaci

–          Qipro

–          Finland

–          Ish Republika Jugosllave e Maqedonisë

–          Greqi

–          Irlandë

–          Zivcër

 

Gjysmë-finale 2 (10 maj)

Gjysma e parë

–          Australi

–          Danimarkë

–          Norvegji

–          Moldavi

–          Rumani

–          Rusi

–          San Marino

–          Serbi

–          Hollandë

Gjysma e dytë

–          Hungari

–          Gjeorgji

–          Maltë

–          Mali i Zi

–          Letoni

–          Poloni

–          Slloveni

–          Suedi

–          Ukrainë

 

Shqipëria performon në pjesën e parë të gjysmë finales së parë të Festivalit Europian të Këngës. Kjo radhitje përkthehet se vendi ynë do të performojë në datën 8 maj dhe do të mbajë numrin nga 1-10. Për t’u përcaktuar numri i saktë i radhitjes së performancave, do të mbahet një tjetër shorte i organizuar sërish nga EBU në një datë të papërcaktuar ende.

Kujtojmë se Shqipëria do të përfaqësohet në Eurovizion me këngën “Mall” të Eugent Bushpepës pas fitores së tij në Festivalin e 56-të të Këngës në RTSH.


Burimi / IMA Albania